تحدي ال ٢٩ يوم :اليوم ٢٠

هلووو شلونكم وياكم هادي هاي مدونتي ليوم 20 من تحدي ال29 يوم 

اليوم ٢٠ بلتحدي ما بقالة شي و ينتهي بس ما ينتهي تطوير الذات طول الحياة راح تضل تطور من نفسك و مهاراتك و احنه لازم نطور مهاراتنه بكل وكت مو بس بل٢٩ هاي و خاصةً الانكليزي الي اني دا اطوره بهاذا التحدي جنت كل يوم اتعلم كلامات جديده و قواعد جديده و جمل جديده  و هدفي  الطلاق بلنكليزي حققت منه  ٤٠٪ هاذا تقيمي لنفسي  طبعاً اكو  تسويف و ملل مرات بس اتغلب عليه بس اهم شي الي حققته هواي جنت القراءة مو زينه هسه كمت اقراه روايات بلنكليزي و افهم القصة و الكتابه ما اطورت هواي لازم اركز عليه الفتره الجايه و المصادر الي ستخدمته نفس الشي ما تغيرت هواي اجتهدت بلتحدي بس جانت اكو ايام تكاسلت بيه بس رجع الحماس بس جاب ثماره الجهد الي بذلته  الحمدالله جنت صفر بلقرايه و الكتابه بس هسه احسن من قبل جنت اعتمد علا المدرسه و جنت احسن طالب بلنكليزي بس همين جان يرادلي هواي اتعلمه كله بسبب هاذا التحدي و مرتضه و الفريق كلش فرحان اني شاركت بيه و صرت شجاع بذيج الحظة و تفاجئت بنفسي انو اعرف احجي كلش زين و الاكسنت مالتي حلوه فا بقيت علا نفس التحدي مالتي هوا تعلم الانكليزي

هاي صوره للروايه الي دا اقرا هاي الفتره علمود اطور مالتي القراءه

الخطه ما راح اغير بيه لين هيه كلش مريحه و مناسبه الي بس يمكن اضيف مصادر اكثر بلمستقبل بس هسه لا واكيد علا هاي الخطه راح اكمل التحدي حته مالتي لين اني كلش مصره عليه حنه لو ما فزت اهم شي استفاد و الايام الجايه راح اركز علا الكتابه لين اني صفر بيه و هم اخلص الراويه 

الاشياء الي ممتن الها

1:الانترنت الزين

2:وقت الفراغ الي بعض الناس ما عدها