تحدي ال ٢٩ يوم :اليوم العاشر

 هلو شلونكم وياكم هادي اليوم هوا اليوم العاشر من التحدي جنت اتعلم انكليزي و سياقة البايسكل تطورت كلش بي و انكليزي جنت كل يوم اتعلم فد شي جديد او كلمة جديده يعني ماكو يوم واني ما متعلم شي  من كل مكان لحد الان ما عندي خطه واضحه بس دا اشتغل عليه

بس

تعلمت شلون اكتب احسن و اقرا احسن و طريقة الكلام تحسنت عندي جنت استخدم التطبيقات لتعلم الانكليزي كل وحد انطيه ٢٠ دقيقه او اقل مثل دوولينجو وBusuuو cake بس عفته هالفتره و ذا أمريكان انكلش واليوتيوب اكيد و الجهد خليته علمود الكه المصادر الصحيحه و المفيده و المقارنات بين يا هيه احسن شي و لازم تختار بعناية ويه كل هاذا الجهد ما اعتقد اني دا اخلي الجهد الكافي بس تعلمت هواي بهذي العشر ايام و الحساس من تحس دا تسوي اشياء مفيده الك و المستقبلك و وياك ناس تدعمك و من كل النواحي همه ذول الناس الي بكروب المشاركين المبدعين و فاجئني اكو ناس كلش اساطير و ينطوك معلومات قيمة كلش و واني هم فجاءة نفسي مو بس الناس من ناحية الصرار ال عندي و الشي الحسن انو ما تغير التحدي مالتي من البداية بعده اتعلم انكليزي و سياقة البايسكل

و هاي صورة للبايسكل مالتي الي يسوي طاقة من الشمس علمود الضوء الوره

بالنسبه لخطة اكيد راح اغيره لين اصلن ماكو خطه 😅راح اعدل الخطه مالتي اسويه اكثر تنضيم و ان شاء الله افوز بس ما اهم شي الفوز اهم شي الاستفادة و العشر الايام الجايه راح اعدل الخطة و اتعلم بتركيز اكثر و تسويف اقل 

الأشياء الي ممتن اله :

1:مساعدت الناس إليك بدون تكبر او اي شي

2:مكان خاص أكدر اسوي بي الي أريده و هاذا مو كل الناس عده

3:نعمه التلفون و لابتوب فد شي عظيم تكدر تسوي بي أي تريده