تحدي ال ٢٩ يوم : التخرج

 👋هلوو اني هادي شاركت بتحدي ال٢٩ يوم الي سواه مرتضى التميمي (و الفريق الي وياه) بمناسبة عيد ميلاده ال٢٩ و التحدي هوا اطور نفسك ابمهاره تفيدك بحياتك اني ختاريت اطور مهارة الانكليزية لئن هيه من أهم المهارات في وقتنه الحالي و واني احتاجه جداً علمود المنح و الشغل و الخ و الي يسوي الشروط التحدي علا اكمل وجه راح يفوز بسفره لتركيا مع مرتضى و بعض المشاركين 

راح احجيلكم قصتي بلتحدي من اول يوم إلى آخر يوم و اتمنى تستفادون منه

اول شي اني هادي من بغداد عمري ١٥ (قبل كم يوم صرت ١٥)  شفت التحدي يم مرتضى بليل قبل ما انام بثواني صدفة صارت و تحمست اسجل لئن جنت اريد اتعلم الانكليزي بس ما عندي شي يحفزني كملت  الاستمارة بسرعة ودخلت لكروب المشاركين من دخلت لكيتهم كاعد يتناقشون بموضوع شائك فا شدني الفضول و دخلت وياهم بالنقاش و وتفاجأت بتقبلها لرئي الاخر و ناس صدك موهوبه منهم اليكتب و اكو اليرسم و اليعزف و من كل الأصناف و بعد هاذا رحت ابحث عن احسن طريقة اتعلم بيه الانكليزي و تكون مناسبه الي و الوقتي و تكون شاملة كلشي فا بعد بحث طويل سويت الخطة مالتي بمساعدت فريق التحدي الي بدونهم جان ما صارت الخطة مالتي  بهاي الجودة بعد ما كملت الخطه بديت انفذه هنا صارت المشكلة لئن لازم تتحول من شخص ما مرتب الى شخص كلش مرتب و يمشي علا خطة جانت هاي الفتره جانت تحدي بالنسبه الي لئن لازم اتعود على الخطة و نمط الحياة الجديد ل٢٩ يوم الجايه اول ايام جنت أهمل التحدي بس وره ايام تعودت و غصبت نفسي و انطيت نفسي ساعة راحة طويلة اول ايام بعدين قلصته شوية شوية بالاخير تعودت اخير ٥ ايام جنت كلش متعود على الخطة و راح استمر عليه بعد السفره و جان عندي تحدي ثاني هم اتعلم سياقة البايسكل حققته بنص المدة و بالنسبه للنكليزي اطورت هواي و صار عندي ثقة بنفسي من احجي بلنكليزي كل هاذا بسبب التحدي 

شلون تسوي التحدي الخاص بيك 

١:اول شي لازم تحدد الهدف الي راح تسويه بلتحدي 

٢:تحدد الوقت المناسب للهدف الي راح تسويه و يكون منطقي مو اب يومين اتعلم السباحة مع الدلافين خلي الوقت يناسب التحدي 

٣:توثق تقدمك كل ٣ إيام او كل ١٠ ايام علا حسب التحدي مالتك علمود باخير التحدي تعرف انته شكد اتطور بهاي الفتره و تحس بالإنجاز 

٤:اذا تريد تكدر تنشر تقدمك ويه الناس علمود يجيك تحفيز و تفيد الناس الي تريد اطور نفس الشي الي كاعد اطوره بلتحدي مالتك يعني عصفورين بحجر 

٥: اخر شي  الجائزة الي راح تكافئ نفسك بيه بعد ما تكمل التحدي هاي ممكن تكون عطلة او رحلة لمكان حلو او تشتري فد شي انته تريده من زمان او اي شي بلنسبه الك جائزه و مو مهم يكون فد شي بي صرف هواي اهم شي يكون فد شي يسعدك 

اشياء تعلمته من التحدي غير الانجليزي

١:  الالتزام بلوقت و بلشروط الي جانت دقيقة مثل مدونة كلاماته من ٢٥٠ الى ٣٠٠ او فديو من ٣٠ الى ٥٠ ثانية و لازم تسويه ابيومين صدك جان تحدي 

 ٢: تقبل الرئي الاخر اكتسبت من المشتركين الي جانو كلش محترمين بلنقاشت و السوالف مالتهم ما جنت أشارك هواي وياهم بس تعرفت علا بعضهم 

٣: الثقه بالنفس هسه راح تكول شدخل الثقة بلتحدي مال انكليزي هسه افهمك جان مرتضى يسوي اجتماعات هاي الاجتماعات لازم تفتح كامره واني جنت كلش أخجل اطلع وجهي بس كسرت اول خطوه من الخجل مالتي ثاني شي بعد ما كسرت شويه من الخجل مالتي كملته و كمت احجي انكليزي ويه ناس ما اعرفهم و الي اعرفهم هاي جانت أثمن شي اطانيه التحدي

شكد اطورت باللغة الانجليزية 

راح اقارن نفسي قبل التحدي و بعد التحدي علمود تعرفون الفرق

قبل التحدي : جنت ما اعرف اكتب اي شي بس yes و no و القراءة مو زين بس يمشي الحال يعني الكلامات الطويلة ما اعرف أقرأها و من ناحية المفردات جان عندي مخزون جيد من الكلامات بس ما تمشي الحال بالحياه الواقعيه و الاستمتاع جنت كلش زين بي احسن شي جان عندي بيهم

بعد التحدي :صرت احسن بلكتابه شويه بس لازم اشتغل عليه أكثر القراءه قريت رواية اسمه عقل و عاطفة 

و اتصير صفحاته بلنكليزي و اعربي 

و المفردات زادت من قراءة الرواية و الاستماع صار أقوى من قبل و المصادر الي سخدمته دوولينجو  Busuu  TED ذا امريكان انجلش القناة و التطبيق حسابات انستجرام ست مينا  علي رضا ابحث بلنستكرام تعلم الانكليزي راح يطلعلك هواي حسابات كل يوم ينشرون كلمات جديد 

الخاتمة

عشت لحضات حلوه بهاذا التحدي و طورني هواي راح افتخر اني جنت بهاذا التحدي و شكراً لكل واحد تعب علا هاذا التحدي و طور نفسه بل ٢٩ يوم الي راحت بلشي الي هواي يحبه و الشكر الأكبر يروح لصانع التحدي الي همه مرتضى و الفريق الي روه الكواليس شكراً الكم بدونكم جان ما نبنه عندي الاصرار علمود اكمل و اتمنى تعيدونه علمود ناس اكثر تستفاد و وداعاً إلى اللقاء في تركيا ان شاء الله 👋